Powered by Dailymotion

MUQADDAR AZMANE MAIN ZAMANAY BEET JATY HAIN

Muqaddar Azmane Main Zamanay Beet Jatay Hain
Muradain Dil Ki Panay Main Zamanay Beet Jatay Hain

Rakhta Agar Koi Himat Azhar-E Ulfaat Ki
Zaban Par Baat Lane Mein Zamanay Beet Jatay Hain

Muhabat Zindagi Main Joh Bari Mushkil Se Milti Hai
Magar Us Kay Nibahne Mein Zamanay Beet Jatay Hein

Agar Ik Bar Ankhon Mein Achanak A Basay Koi
Usay Dil Se Bhulane Main Zamanay Beet Jatay Hain.

ZINDGI SY EK YAHI GILA HAI MUJHY

Zindagi se eik yehi gila hai mujhe,

Tu bohat dair se mila hai mujhe,

Tu mohabbat se koi chaal to chal,

Haar jaane ka hausla hai mujhe,

Humsafar chahiye hajoom nahin,

Aik musaafir bhi qafila hai mujhe,

Lab kusha hoon to iss yakeen ke sath,

Qatal hone ka hosla hai mujhe,

Kon jaane ke chahton mein Faraz,

Kya ganwaya kya mila hai mujhe..

YAHI WAFAA KA SILAAH HAI, TO KOI BAT NHI

Yehi Wafaa ka silaah hai, 

to koi baat nahi 

Yeh dard tum ne diya hai, 

to koi baat nahi

Yehi bohot hai ke 

tum dekhte ho 

sahil se Safeena doob raha hai, 

to koi baat nahi

Rakha tha aashiyana-e-dil main chhupa ke tumko

Woh ghar tumne chor diya hai 

to koi baat nahi

Tum hi ne aayena-e-dil mera banaya tha

Tum hi ne tor diya hai 

to koi baat nahi

Kis kii majaal kahe koi mujh ko deewana

Agar yeh tumne kaha hai 

to koi baat nahi

MUJHY WO LAAKH TARPAE MAGAR US KI KHATIR

Mere Khwaabon Ke Gulshan Mein Khizaa'en
Raqs Karti Hein,,
Mere Honton Ki Larzish Mein Wafaa'en Raqs
Karti Hein...


Mujhe Woh Laakh Tarpaaye Magar Uss
Shakhs Ki Khaatir,,
Mere Dil Ke Andheron Mein Duaa'en Raqs
Karti Hein...


Usay Kehna Ke Laut Aaye Sulagti Shaam Se
Pehle,,
Kisi Ki Khushk Aankhon Mein Sadaa'en Raqs
Karti Hein..


Khuda Jaane Kesi Kashish Hai Uski Yaadon
Mein....!!
Main Uska Zikr Chheroon To Hawaa'en Raqs
Karti Hein......