Romantic Poetry

Romantic poetry

·       Doosri baar bhi hoti to tum se hoti,
Main mohabbat jo bilfarz dobara karta..

·       Phool khilte hain to hum sochte hain,
Tujh se milne ke zamaane aaye..

·       Main kuch na kahoon aur chahoon ke meri baat,
Khushbuu ki tarah urr ke tere dil main utar jaye..

·       Kal chohdhveen ki raat thi shab bhar raha charcha tera,
Kuch ne kaha yeh chaand hai, kuch ne kaha yeh chehra tera

·       Baat baat pe muskurate ho kyun baar baar,
Jaan lene ke tareekey to aur bhi hain.

·       Tumhari yaad ki khushbuu mere daaman se lippti hai,
Barra acha sa lagta hai tumhe hi sochte rehnaa.

·       Andheri raahon par sunsaan raston per,
Woh aik chaand sa chehra bohat yaad aya..

·       Tujh akela parrhoon koi hum’sb* na rahe,
Main chahta hoon tujh pe kisi ka haq na rahe..

·       (hum’sb;sharers, baanttne wale)

·       Tum bohat saal reh liye apne,
Ab mere, sirf mere ho ke raho..

·       Afsaanon ki duniya mein sab jhoot nahin hota,
Dil aur bhi uljhe ga parrhiye na kitabon ko..

·       Tujh se mila nahin hoon magar chahta hon main,
Tu humsafar ho, aur kaheen ka safar na ho..

·       Thami hai kalaai un ki ab na choote gi mujh se,
Toot’ti hain choorriyan to tootten ab meri balaa se..!!

·       Jitna suljhaao ge yeh aur ulajh jaye gi,
Zindagi zulf to nahi jo sanwar jaye gi..

·       Tum hanso to din, Chup raho to raatain hain,
Kis ka gham, kahan ka gham, sab fazool batain hain..

·       Teri aankhen sawaal karti hain,
Meri himmat jawaab deti hai..

·       Yeh maza tha dil lagi ka ke barabar aag lagti,
Na tujhe qaraar hota, na mujhe qaraar hota..

·       Zikr jab chirr geya qayamat ka,
Baat pohanchi teri jawani tak..

·       Apne andaaz aayiney mein dekhte hain woh,
Aur yeh bhi dekhte hain koi dekhta na ho..

·       Ulfat ka jab maza hai ke donon hon beqaraar,
Donon taraf ho aag baraabar lagi huyii..

·       Haal-e-dil kehne geya tha, na kaha,
Mausamon per guftguu achi rahee..

·       Kaanch sa jism kahin toot na jaye,
Husn waley teri angrrayi se dar lagta hai..

·       Khawb khush khush kattney ka mashwra dete huye,
Ro parra woh khud mujh ko hausla dete huye..

·       Poocha jo un se ke chaand nikalta hai kis tarah,
Zulfon ko rukh pe daal ke jhatkaa diya ke yoon..

·       Kaun kehta hai ke ishq ghamgeen hai,
Agar Ho wafaa to zindagi haseen hai..

·       In me khatraa hai dooob jaaney ka,
Jhaankiye mat janaab ankhon mein..

·       Kalaayi na pakrra karo, Na hi paas aya karo,
Baat choorriyon ki nahin, jazbaat machal jatey hain..

·       Wohi jo kehta tha ishq mein kya rakha hai,
Ek heer ne usey ranjhaa bana rakha hai..

·       Un ko gharoor-e-hussn hai, mujh ko gharoor-e-ishq,
Woh bhi nashy mein choor hain, mein bhi piye huye..

·       Aao husn-e-yaar ki baten karen,
Zulf ki, rukhsaar ki baten karen..

·       Tujhe rozz dekhoon kareeb se,
Mere shauq kitney ajeeb se..

·       Qareeb itna wo kuch dinon se aa gya hai,
K us se rabta toota hua hy kuch dinon se…

·       Tum ko ata hai pyaar pe ghusa,
Mujh ko ghussay pe pyar ata hai..

·       Mere hathon to mehkey hain tamaam din,
Jab tere khawb mein baal sanwaarey mene..

·       Pyar se jab naam mera baar baar us ne liya,
Lafz apne naam ka saara mujhe achaa laga..

·       Tum ko dekha to mohabbat bhi samajh mein ayi,
Warna is lafz ki tareef suna kartey they..

·       Sikka Banaa Ke Jab Uchhala Gaya Mujhe,
Mein Teri Haar Jeet Mein Taqseem Hogaya..

·       Har Ek Morr Pe Ghamoon Ko Saza Dain Hum,
Chalo Zindagi Ko Muhabbat Bana Dain hum…

·       Uss zulf ki, us ke lab ki batain,
Yaad ayin mujhe, ghazzab ki batain..

·       Kon jeetey ga un se baton me,
Jin ki ankhen kalaam karti hon..

·       Teri be’rukhi se aata hai lutf,
Tu agar pyar se dekhe to mar jau gi..

·       Tera Wajood bhi hai sach magar, Humain tujhse,
Wo Ishq hai ke tujhe soch kar hii mar jaayen

·       Bahar saray chaman ki aaeen hoti hai,
Bahaar chand guloon ki hansi ka naam nahi..